A alcaldesa da Coruña, a socialista Inés Rey, manifestou, tras reiterar o PP a esixencia da súa dimisión despois de transcender unha suposta terceira denuncia de acoso laboral contra ela, que se os populares entenden que existe algún delito “saben onde teñen que ir, que é ao xulgado”. “Non vou contribuír á máquina do lodo que puxeron a funcionar”, aseverou para reiterar, en liña co trasladado o luns desde o goberno local, que non teñen “constancia de ningunha denuncia”, despois de que as anteriores correspondesen a dúas exedís socialistas, que a formalizaron a través da canle interna do partido.
A preguntas dos xornalistas, tras informar os asuntos aprobados en Xunta de Goberno, recalcou que ela está centrada “en dar resposta” ás cuestións que, dixo, preocupan á cidadanía. “Estou moi tranquila”, apostilou para lembrar que a palabra acoso procede do latín do termo que significaba “perseguir sen tregua nin repouso a unha presa”. “O PP converteuno niso”, sentenciou para asegurar que “en lugar de facer política, que é o que agardan os cidadáns e en lugar de debater sobre investimentos, adican o tempo, co diñeiro de todos os contribuíntes, no canto de traballar pola cidade ao acoso sistemático do rival político”. “Á deshumanización e a descualificación permanente”, insistiu para soster que non será ela “quen lles axude nesta forma de facer política lamentable”.
