A Casa do pobo de Dexo convertiuse no epicentro da biodiveridade galega cun histórico intercambio de sementes. En colaboración coa AVV San Antón, o espazo vivo de Mera, recibía a visita de Fran e Sonia, os responsables do proxecto ecolóxico Lúa de Dexo, un referente estatal en agricultura sostible e produción de hortalizas de residuo cero, ubicado en Carballos (Dexo, Mera). Lúa de Dexo xa ten trascendido as fronteiras da nosa comarca, gracias, entre outras cousas, a súa variedade estrela “A Marola”, premiada como o Mellor Tomate Nacional en 2025, e recentemente nomeada por expertos de EEUU como unha das 10 mellores para cultival a nivel mundial.
Pero máis alá da venda directa, Lúa de Dexo son un centro de formación vivo, a través de talleres de fertilización biolóxica, cultivo de cogumelos en troncos, elaboración de conservas, ou realizando intercambio de sementes, como fixeron este sábado na Casa do Pobo nunha sesión na que se afondou sobre o concepto de soberanía alimentaria.
As mesas da Casa enchéronse de tesouros botánicos que pasaron de xeración en xeración, con sementes como o Millo Kalfu ou o Millo Corvo, así como o Lentellón de Banzas, rescatada a Costa da Morte. A xornada tamén se serviu para aprender a facer esquexes enraizados de peramelón, chayotes ou aprender a coidar os kéfir.
A xornada ademais tivo un taller de compostaxe caseira impartida por Franqui Illanes, do proxecto Eco-friendly de Down Coruña.
”Non se trata só de sementes, senón de custodiar a biodiversidade que as multinacionais intentan uniformar”, concluíron dende a organización. “Somos a resistencia”.
