Son numerosas as diferentes comunidades escolares que levan todo o curso mobilizándose pola falta de mantemento das infraestruturas educativas e polos recortes en materia de profesorado de apoio ás NEE e NEAE, que impide que se garanta a atención educativa e a inclusión real.
Co ánimo de unir toda esa reinvicación nunha soa voz, a Federación Provincial de Centros Públicos da Coruña, en colaboración con todas as ANPAS da cidade, están a organizar unha gran manifestación para o sábado 28 de febreiro, que sairá ás 11:00h da Praza de Ourense e percorrerá todo o centro ata o Parrote.
”Por un ensino público digno e de calidade” é o lema principal, dando conta da sensación de “abandono é total” do noso sistema que teñen as familias por parte da Xunta (responsable principal na materia) e do Concello (de quen depende o mantemento continuo das instalacións).
“A escola pública leva anos acumulando carencias mentres as administracións responden con parches tardíos e insuficientes”, sinalan mentres denuncian as carencias concretas:
- Aulas masificadas con ratios excesivas.
- Profesorado sobrecargado e sen recursos suficientes.
- Falta de especialistas e persoal de apoio e coidados.
- Atención insuficiente ao alumnado con NEE e NEAE.
- Instalacións avellentadas e perigosas.
- Problemas de limpeza e salubridade.
- Graves carencias de accesibilidade nos centros.
Ante esta situación, esixen unha “planificación real e eficacia administrativa a medio e longo prazo”, “a dotación de recursos humanos suficientes”, “un Orzamento digno e estable” así como criterios claros, públicos e obxectivos de intervención.
“Non pedimos privilexios. Esiximos dereitos. A educación pública é futuro”, sentenzan.
Oferta de emprego
A sitación coincide ademais coa nova oferta de emprego público docente da Consellería de Educación, a cal é calificada pola CIG-Ensino como “a peor dos últimos sete anos”. O sindicato acusa ademais ao conselleiro de mentir e alerta ademais de que “se está xogando co profesorado por meros cálculos políticos” no que ten que ver co anuncio de “avanzar na negociación” da recuperación horaria do profesorado de Secundaria á espera do que acontece no Parlamento español co Anteproxecto de Lei do Ministerio que regula esta cuestión e a baixada de ratios.
Máis novas sobre o Ensino Público
Así foi a manifestación da comunidade escolar do CEIP Prácticas “por unha escola segura e digna”
Indignación nas familias do CEIP Cidade Vella tras escoitar en directo “as mentiras” da Xunta
ANPA do CEIP de Tarrío esixe á Xunta máis recursos e atención inmediata
As ANPAS dos colexios de Oleiros levaron o seu manifesto ao pleno
As familias do CEIP Cidade Vella esixen na rúa con contundencia compromisos das administracións
Outras novas das ANPAS
