A entidade estatal de vivenda, Casa 47, adscrita ao Ministerio de Vivenda e Axenda Urbana, adxudicou a redacción do proxecto de edificación dunha promoción de 11 vivendas destinadas a aluguer alcanzable na rúa Adelaida Muro nº24, ao carón das novas escadas mecanicas. O edificio execútase nun dos solares de Defensa, que finalmente se destinarán a vivenda.
Segundo trasladou o departamento estatal, a adxudicación do proxecto de edificación, nas súas modalidades básico e de execución, recaeu no estudo de arquitectura Consultora de Enxeñaría e Empresa, S.L., por un importe de 73.716 euros, impostos excluídos.
Trátase dun edificio de catro plantas nunha parcela cunha superficie de 371 metros cadrados, no que se construirán vivendas alcanzables, con planta baixa destinada a garaxes, accesos e elementos comúns.
Máis novas
Os terreos de Defensa na Coruña servirán para construír 88 vivendas sociais
