“Aleluya”, sinalaban alegres varias veciñas esta mañá de luns 20 de outubro ao ver que, por fin, funcionan as escaleiras mecánicas que soben da ría Adelaida Muro á Ángen Rebollo, en pleno barrio de Monte Alto. Facíano desconfiadas despois de meses de espera coa obra case rematada, e coa esperanza de que as cubertas eviten os continuos problemas que teñen outras escaleiras semellantes como as de San Agustín ou a Falperra.
Esta fin de semana, tras moitas semanas esperándoa, Iberdrola conectaba as escaleiras á rede, e o Concello realizaba unha inauguración oficial a primeira hora da mañá deste luns, coa presenza da alcaldesa da Coruña, Inés Rey, a concelleira de Infraestruturas e Mobilidade, Noemí Díaz, e polo concelleiro de Cultura e Turismo, Gonzalo Castro.
Unha infraestrutura de accesibilidade, anunciada en abril de 2023 gracias aos fondos Next Generation, para a que se investíu 1,1 millóns de euros e que estivo un ano e catro meses de obras.
O plan de traballos tamén comprendeu actuacións nos sectores laterais da nova escaleira mecánica, coa fin de mellorar o acceso aos sete portais existentes aos lados da escalinata, e completa a reurbanización da rampa Matadoiro, que puido convertirse en peonil, pero que quedou a medias.
As escaleiras de Adelaida Muro súmanse a outras actuacións de instalación de elementos mecánicos para salvar desniveis, como os ascensores dos Castros e de Pintor Villar Chao.
