O 112 Galicia rexistrou desde este mércores un total de 794 incidencias relacionadas coa meteoroloxía adversa que deixou na Comunidade a borrasca Nils, a maioría (336) producíronse pola presenza de árbores e ramas nas estradas. Por provincias, a máis castigada foi a da Coruña, con 319, seguida da de Pontevedra, con 237, e a de Lugo, onde se alcanzaron as 153 incidencias. Do mesmo xeito, os concellos nos que se rexistraron máis notificacións polos efectos da meteorología adversa foron o da Coruña (44).
INCIDENTES VÍAS CIRCULACIÓN
Na Coruña, permanece totalmente pechada a Terceira Rolda por seguridade, xa que o forte vento deste mércores, con refachos de até 110 quilómetros por hora, afectou á estabilidade dun pórtico de sinalización. Así, ata que as condicións meteorolóxicas permitan desmontar a estrutura o tráfico estará cortado desde o Pavo Real até Marineda e mantense aberto o desvío do cara á Grela.
Sobre outras incidencias, o 112 Galicia destacou o desprendemento de parte dunha cúpula que cobre un xardín no Matadoiro, na Coruña. Doutra banda, o transporte de ría en Vigo funciona con normalidade despois de que este mércores tivese que suspender o servizo desde as 10.30 horas.
