4 meses despois do comezo das esperadas obras, a renovación do mercado de Santa Lucía, que acollerá tamén o futuro centro de saúde da Falperra, segue avanzando. As obras de demolición entran na súa recta final, e o vindeiro luns, día 16, serán visibles novas actuacións no exterior do edificio, con traballos de demolición que se executarán desde a rúa Inés de Castro.
Neste sentido, as obras esixirán o corte parcial da rúa Inés de Castro o vindeiro luns 16 para facilitar as primeiras tarefas da retroexcavadora coa que traballará a empresa contratista. O corte será efectivo unicamente no treito entre Médico Durán e Doutor Fleming —vaos e garaxes seguirán tendo acceso— , xa que o sector entre Doutor Fleming e Pla y Cancela non sufrirá afectacións e estará aberto. A previsión é que o treito cortado reabra ao tráfico con total normalidade a partir do martes.
A rehabilitación de Santa Lucía, que conta cun investimento de case 8 millóns de euros, e as obras terán un prazo de execución de 15 meses.
Máis novas
Comezan, por fin, as obras de remodelación do mercado de Santa Lucía
As obras do Centro de Santa Lucía comezarán antes de que remate 2025
