O condutor dun camión viuse implicado nun accidente este venres na A-6, á altura do municipio coruñés de Cambre, tras chocar co seu vehículo contra a mediana. Desde o Centro de Control de Tráfico do Noroeste explicaron a Europa Press que foi pasadas as sete da mañá cando se produciu o sinistro, dirección crecente, en concreto cara a Arteixo. Isto motivou o corte do carril esquerdo.

Á súa vez, desde o 112 precisaron que foron varios particulares e o propio condutor os que informaron que o camión fora contra a mediana, quedando cruzado o vehículo, que transportaba pitos mortos, na vía. Ao lugar trasladáronse membros do servizo de Urxencias Sanitarias 061 para atender ao condutor, así como axentes da Garda Civil de Tráfico e efectivos do servizo de mantemento de estradas.