O Centro Sociocultural Ágora acolleu esta fin de semana a segunda edición do concurso Torre 67 Fest, unha iniciativa organizada pola Escola Municipal de Música (EMM) que busca visibilizar a área de música moderna e, de paso, achegar á cidadanía o traballo e talento do alumnado da EMM.
O alumnado demostrou o seu compromiso, talento e traballo, que foron ensaiando ao longo das pasadas semanas en exhibicións na propia Escola.
Un total de dez agrupacións participaron neste concurso. Rey, ademais, anunciou que o evento se integrará na programación de actividades culturais nos escenarios da cidade.
Jazzy Tower foi a formación gañadora, obtendo o dereito a representar á área de música moderna na Gala da EMM, un concerto que se celebrará no Teatro Colón o 8 de maio. Os combos participantes nesta xornada foron: ‘O bigote de Dalí’, ‘O camiño de Hércules’, ‘Starband’, ‘Red Shoes’, ‘Black Shadow’, ‘Jazzy Tower’, ‘Voltavia’, ‘El combo de Manuela’, ‘Las Cookies’ e ‘Combo Number Five’.
Ademais de El Combo de Manuela, tamén foron premiados Voltavia como segundo clasificado e Combo Number Five como terceiro. O premio do público foi para El Combo de Manuela.
