A Autoridade Portuaria da Coruña iniciou unha acción de sensibilización cidadá coa instalación de 40 placas de latón —20 en galego e 20 en castelán— en distintos puntos da Mariña e O Parrote, en terreos portuarios que están abertos ao uso público, destinadas a “concienciar á poboación sobre a importancia de coidar o medio mariño”. Así o manifestou o presidente da entidade, Martín Fernández Prado, na presentación este mércores da primeira delas.
Co lema ‘Non arroxes nada. O mar empeza aquí‘, o obxectivo desta iniciativa, explicou, é lembrar á cidadanía que moitas das rejillas e sumidoiros do pavimento desembocan directamente no mar, polas canalizacións de augas pluviais, e que, por tanto, calquera residuo arroxado a elas acaba contaminando o ecosistema mariño.
“É compromiso de todos, a xente en moitos casos é inconsciente, conscientemente non o fai ninguén”, destacou Fernández Prado. “Cada cabicha, envoltorio ou residuo sólido ou líquido que se tira ao chan pode terminar no mar, con estas placas queremos lembrar que o mar empeza moito máis preto do que moitas veces pensamos”, recalcou.
