Continúa collendo forma o programa especial para a Noite de San Xoán no escenario do peirao de Batería que vai abrir esta edición do Noites do Porto. Tras revelar o esperado regreso de Xoel López á súa cidade natal, Caamaño & Ameixeiras incorporáronse ao cartel do 23 de xuño.
A presenza de Caamaño & Ameixeiras no escenario principal e buque insignia das Noites do Porto, armados con violín, acordeón e voz, promete ser unha das citas imprescindibles do festival, dando un claro paso de achegamento á música en galego.
Formado en 2018 por Sabela Caamaño (Oza dos Ríos, acordeón cromático) e Antía Ameixeiras (Baio, violín e voz), o dúo destaca pola súa linguaxe musical, que mantén a esencia da música folk á vez que incorpora elementos contemporáneos. Tras o éxito do seu álbum de estrea, Aire!, que gañou, entre outros recoñecementos, o Premio Martín Códax da Música, o dúo deu un paso máis na súa evolución artística co seu segundo traballo, Quitar o aire. Producido pola recoñecida Hevi (Malandrómeda) no Laboratorio Soyuz, neste álbum Caamaño & Ameixeiras reinterpreta os códigos da música folk tradicional.
Con esta nova incorporación, Noites do Porto reafirma o seu compromiso de priorizar o talento, a emoción e unha conexión xenuína coa cidade, reunindo dous dos proxectos máis interesantes e aclamados da escena actual.
- 22.06.26, Jazz Filloa | Lela Soto
- 23.06.26, Muelle de Batería | Xoel, Caamañi&Ameixeiras e…
- 25.06.26, Garufa Club | La Tania
- 26.06.26, Muelle de Batería | Barry B
- 28.06.26, Mardi Gras | ELLiS·D
- 30.06.26, Inn Club | Curtis Harding
- 02.07.26, Teatro Colón | María José Llergo
- 05.07.26, Garufa Club | Nadadora
Curtis Harding actuará en Noites do Porto na súa única cita en Galicia este verán
Así foi o ano pasado
Asi foi en 2024
Así foi en 2023
