Falamos a semana pasada con ela, co gallo da súa nova creación poética. E xa temos data e lugar para a estrea de “Serea e Ulises”: este xoves, 14 de maio, ás 20:00h no local veciñal da Agra (rúa Entrepenas 38 soto). A familia da Asociación Veciñal Agra do Orzán teñen un dos clubs de poesía máis sentidos da cidade, e por iso, Diana Varela Puñal escolleu este lugar para a primeira presentación desta edición facsimilar dun conxunto de poemas que trata o mito da historia de amor entre Parténope e Ulises, pero desde o punto de vista da serea, como representación de muller libre.

Un libro de coleccionista, feito a man, e no que Diana saca todo o seu amor.

A entrada é libre ata encher a capacidade do local veciñal.

Diana Varela Puñal volve á poesía coa edición facsimilar de “Serea e Ulises”