InicioSOCIEDADEAs oficinas tributarias da Deputación da Coruña realizaron 44.500 atencións presenciais en...

As oficinas tributarias da Deputación da Coruña realizaron 44.500 atencións presenciais en 2022

Publicada o

Por europapress

A Deputación da Coruña realizou o ano pasado na súa rede de Oficinas Tributarias na provincia un total de 44.500 atencións presenciais, das que 14.809, unha de cada tres, foron sen cita previa.

Segundo explicou a institución provincial, a estes números súmanse os miles de consultas que se atenden cada ano a través do teléfono, o correo electrónico e da Oficina Virtual Tributaria(OVT). Ademais, engadiu, un 21% das consultas presenciais que se producen cada ano nas oficinas tributarias da Deputación teñen que ver con trámites catastrais.

Estes datos foron facilitados este martes polo presidente, Valentín González Formoso, na inauguración en Santiago dunhas xornadas nacionais do Catastro. Alí, destacou que a colaboración con concellos e Deputación permite ao Catastro ter rexistrados o 97% dos inmobles da provincia e que 79 dos 93 concellos coruñeses teñen delegadas na Deputación as xestións relacionadascon o Catastro, “que supoñen unha de cada cinco consultas da cidadanía”.

“A Deputación conta cunha rede de 13 Oficinas Tributarias na provincia e un equipo humano de máis de 150 persoas para atender calquera trámite, consulta ou dúbida da cidadanía e dos 87 concellos que teñen delegada a xestión tributaria na institución provincial”, afirmou o presidente.

ÚLTIMAS

Correa Corredoira: “Fago un chamamento á refundación da Luís Seoane”

Con afán “positivo” e “propositivo”, e coa libertade de ser unha “persoa maior e...

O persoal das Escolas Deportivas continúa coas protestas tras a “decepcionante” a xuntanza co Concello

Despois da primeira concentración de Riazor, e da primeira reunión cos responsables da Concellería...

Condenado a 9 anos de cárcere un home por violar a unha muller nos arredores dunha discoteca

A sección segunda da Audiencia Provincial da Coruña condenou a nove anos de cárcere...

Os propietarios do chan do Castrillón aproban o plan para rematar o barrio

Acolleu onte o Ágora unha importante asamblea dos propietarios integrantes da Xunta de Compensación...