O corpo da balea que apareceu varada o luns na praia de Sabón, en Arteixo (A Coruña), reflotou ata a superficie mariña durante a mañá deste mércores. Persoal de Salvamento Marítimo encargáronse de remolcar cara a mar dentro ao cetáceo, que acabou morrendo o día que apareceu no areal.

Segundo explicaron fontes do servizo estatal, a Garda Civil trasladoulles ás 11.15 horas o aviso de que a balea reflotara, sendo a mesma que apareceu hai dous días. Deste xeito, o centro coruñés mobilizou á lancha de rescate Salvamar Betelgeuse, que se encargou de remolcala a 12 millas do porto exterior de Punta Langosteira.

O luns, a voz de alarma saltou ás 08.40 horas, cando un particular informou ao 112 Galicia da presenza do cetáceo. Seguindo o procotolo, esta mesma embarcación de rescate de Salvamento Marítimo procedeu a trasladar cara a mar dentro á balea, que, finalmente, terminou morrendo.