Remata hoxe martes 22 a Semana Europea da Mobilidade. Faino estatarde coa celebración do Día sen Coches na rúa Concepción Arenal (a rúa da Cervecería da Estrella de Catro Camiños). Entre as 17.00 e as 20.00 horas converterase durante tres horas nun espazo para a práctica deportiva, a divulgación e a sensibilización arredor da mobilidade.
Pero cómpre tamén rememomar o roteiro veciñal organizado pola Federación de Asociacións Veciñais da Coruña (FAVA), as asociacións veciñais de Sagrada Familia, Mallos-Plataforma, Barcarola-Catro Camiños e Oza-Gaiteira-Os Castros, e o Concello. Un cento de persoas percorreron a Rolda Peonil, poñendo en valor este novo corredor verde que atravesa a cidade conectando cinco barrios entre o parque de San Diego e a rúa Observatorio, na Agra do Orzán.
Desta volta fixeron 3,4 km dende a Sagrada Familia ata a Praza de Tabacos, atravesando tamén os barrios de Os Mallos, Catro Camiños e Oza-A Gaiteira ata chegar á praza de Tabacos, epicentro estes días da SEM 2026. Na organización participaron a Federación e as
A actividade serviu para coñecer sobre o terreo a Rolda Peonil, un itinerario de 3,5 quilómetros que, facilitando os desprazamentos a pé entre diferentes zonas da cidade.
Programa Día sen coches
Así, esta tarde, a partir das 17:00h, na rúa Concepción Arenal, Galicia Rollers celebrará unha xornada de portas abertas, con patíns a disposición das persoas que queiran probar esta modalidade e pequenas exhibicións de freestyle a partir das 18.30 horas, nunha actividade á que se sumará a escola de danza Punto Cero, con dous pases de baile urbano. Haberá tamén un circuíto de bicicleta co Club Triatlón Coruña e unha actividade de marcha nórdica con AMI. A partir das 19.00 horas será a quenda do Club Ximnasia Coruña, que ofrecerá unha exhibición de ximnasia artística. E entre as 18.00 e as 19.00 horas celebrarase unha sesión aberta de zumba con Termaria e, ás 18.00 horas, actuará a Coral Polifónica El Eco.
A programación incluirá tamén, entre as 17.00 e as 18.00 horas, a mesa redonda ‘Respirar e escoitar a cidade, o prezo da nosa mobilidade’, centrada na relación entre mobilidade, calidade do aire e ruído. Nela participarán Purificación López-Mahia, catedrática de Química Analítica da Universidade da Coruña e directora do Instituto Universitario de Medio Nota de Prensa Ambiente; David Cartelle, director de Operacións de Air & Climate en SUEZ España; e Roi Arias, experto en acústica ambiental e responsable técnico de Proceso Dixital de Audio.
Antes, pola mañá, as instalacións da Semana Europea da Mobilidade na praza de Tabacos seguirán abertas ao público ata as 13.00 horas. A cidadanía poderá achegarse aos puntos de información sobre BiciCoruña e o transporte urbano, coñecer o funcionamento dos sistemas municipais de control e medición da mobilidade, así como información sobre calidade do aire e seguridade e educación viaria.
Máis de 30.000 persoas pasaron por Tabacos desde o mércores
A Semana Europea da Mobilidade chega á súa última xornada cun balance de máis de 30.000 persoas que pasaron pola zona de carpas da praza de Tabacos desde a súa apertura o pasado mércores.
