InicioA CORUÑAO Encontro Galego de Ilustración enche A Coruña de creatividade

O Encontro Galego de Ilustración enche A Coruña de creatividade

Publicada o

Por Redacción

Un ano máis, a Asociación Galega de Profesionais da Ilustración (AGPI), celebra o Encontro Galego de Ilustración, a cita anual que reúne profesionais, estudantes e amantes da ilustración nun espazo de aprendizaxe, inspiración e celebración da nosa disciplina. Este ano, o Encontro trasládase á cidade de A Coruña, na cal entre o 25 de setembro e o 3 de outubro desenvolveranse actividades en diversos emprazamentos como o Café Macondo, o Círculo de Artesáns e diferentes comercios locais da cidade: Alita Cómic, Jaspe Art e Empaquetando, entre outros.

A programación deu comezo o 25 de setembro cunha revisión de portfolios de ilustración a cargo da editorial galega Cuarto de Inverno no Café Macondo. Este mércores 30 de setembro e xoves 1 de outubro, os escaparates das tendas Alita Cómic, Empaquetando e Jaspe Art, serán intervidos cos trazos coloridos de Jorge Peral, Rachel Tattoo e Maria Brenn respectivamente, convertendo o comercio local nunha galería ilustrada aberta á cidadanía.

O sábado, a xornada principal

O sábado 3 de outubro, no Círculo de Artesáns, terá lugar a xornada principal da programación, que comezará coa benvida da presidenta da AGPI, Laura Romero. A continuación Lara Ingelmo (La Chica de la Cinta) presentará o Caderno para Colorear da asociación, froito do traballo colectivo de socias e socios da AGPI.

Trala presentación, desenvolveranse tres actividades paralelas e para todos os gustos: por unha banda o ilustrador Bernal Prieto (Estudio Vivac) ofrecerá o faladoiro sobre o manexo do programa de deseño Affinity, Limbo Ilustración impartirá o obradoiro “O meu primeiro Fanzine” dirixido a infancias e Ío Bru fará unha Revisión XPRESS de Portfolios (Prazas esgotadas).

A programación reanudarase con “Lendo como Onicóforos”, unha lectura curta de publicacións, fanzines e BD. A participación será aberta para todo o público e poderá presentarse calquera proxecto ilustrado, se queren participar, teñan en conta que hai poucas prazas, hai que inscribirse neste formulario, aí tamén vén máis información respecto diso

A continuación haberá unha charla-taller impartida por Blanca Millán, onde abordará conceptos como a composición ou a paleta cromática, factores clave á hora de desenvolver un traballo profesional de ilustración.

ÚLTIMAS

(VÍDEO): Desaloxan varios colexios da Coruña tras recibiren sendas falsas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho, o...

Máis dun centenar de obras preséntanse aos Premios Mestre Mateo, con entrega de galardóns en febreiro

Un total de 155 obras presentaron candidatura aos XXV Premios Mestre Mateo, cuxa gala...

A Coruña aposta por un Nadal “sustentable e responsable” nunha nova edición da Casa dos Xoguetes

O Concello da Coruña, a través da Oficina Municipal de Información ao Consumidor (OMIC),...

O coruñés Daniel Agra regresa ao India Photo Fest con catro fotografías

O artista galego Daniel Agra presenta catro fotografías da súa serie Tesseract Daydreams no...

DEIXAR UN COMENTARIO

Please enter your comment!
Please enter your name here