Novo paso no proceso de rexeneración dos bancos marisqueiros da ría do Burgo. Desta volta, as mariscadoras veñen de sementar 167.000 unidades de semente de ameixa xaponesa (Ruditapes philippinarum) cedidas pola Consellería do Mar e a Confraría de Pescadores.
A semente subministrada, cun peso total de 59 quilos e unha talla media de 12,5 milímetros, foi producida polo Centro de Investigacións Mariñas de Galicia (CIMA) e preengordada no pantalán do Vicedo antes da súa entrega á confraría. Os exemplares foron introducidos polos mariscadores en pochóns e posteriormente colocados nas mesas de cultivo situadas no antigo Parque do Estado, no banco de A Baixada, onde continuarán o seu proceso de preengorde.
É a segunda solta de semente no mes de setembro
1 millón de sementes de ameixa babosa para recuperar o marisqueo da ría do Burgo
Mariscadoras da ría do Burgo piden que non se repitan os mesmos erros co dragado do Lérez
A Xunta achega 55.000 unidades de ameixa babosa para reforzar os bancos marisqueiros da ría do Burgo
