A alcaldesa da Coruña, Inés Rey, volveu reclamar que os fondos estatais asignados para esta cidade e para Santiago tras seren declaradas mercados tensionados sexan xestionados por estas respectivas cidades. E é que, a preguntas dos xornalistas, con motivo da súa presenza na inauguración do DATAfórum Justicia, puxo en dúbida que, se se transfiren á Xunta, o Executivo galego os destine a vivenda.
“Non os vai empregar para política de vivenda nin para as medidas que A Coruña e Santiago levaban recollidas nas memorias de mercado tensionado”, sinalou sobre os documentos que permitiron a súa aprobación. Ao fío disto, asegurou que durante o goberno de Feijóo na Xunta e con posterioridade se construíron “40 vivendas públicas” na cidade, cando “hoxe son máis de 7.300 as persoas demandantes de vivenda pública na cidade”.
“Eses fondos teñen que ir para os que defendemos que a vivenda é un dereito constitucional e para os que poñemos en marcha medidas para garantir un dereito básico, non para os que levan toda a vida especulando coa vivenda”, manifestou.
“Foi o PP quen lle deu categoría a un partido fascista”, di Inés Rey de Vox
