Este xoves 12 de novembro, doble cita no programa SKPMotor da CUAC FM, en clave de seguridade e de rally.
Comezou a sesión con Enrique Abalde, membro Agrupación de Motociclistas 4 Amigos, coorganizadora xunto co Club de Motociclistas Arosadosvento do acto que vai artellar na zona de Pontevedra, Stop Accidentes, polo Día Mundial en Recordo das Vítimas de Accidentes de Tráfico.
O domingo 15 de novembro, o acto celebrará a súa saída do Parque de Castrelos en Vigo arredor das 11:00 e chegada a Poio ás 13:00.
Ademais, achegouse ao estudio de CuacFM na Zapateira o piloto David Rivas e Diego Besada, secretario do Equipo Congostra, presentando o 1º RallySprint Cerceda-Tordoia, que terá lugar nestes dous concellos o sábado 14 de novembro. O rally contará con dous tramos cronometrados, cada un deles dúas veces, que percorrerán un total de 121,42 km, dos cales 44,62 km serán cronometrados. Diego contou que chegaron ao máximo de 90 entradas permitidas pola normativa.
Podes escoitar o programa nesta ligazón.
Máis novas
O presidente e candidato á reelección da Federación Galega de Automobilismo, a exame en SkpMotor
SKPMotor: 400 programas achegando a realidade do motor galego ás ondas de CUACFM
