No programa de SKPMotor CuacFM o gravado este xoves 19 de novembro de 2026 nas ondas da CUAC FM, dende os estudios da Zapateira.
Viaxaron a Cerceda para felicitar ao piloto David Rivas e ao seu copiloto Jose Vieitez pola súa vitoria no 1º RallySprint Cerceda-Tordoia, celebrado o pasado sábado 14 de novembro, que tivo unha gran acollida entre os 90 equipos participantes.
De Cerceda a Sarria, para coñecer a Víctor López “Tote” do club Os Carro x4 Sarria, organizadores da 14ª Ruta 4×4 da Comarca de Sarria, que se celebrou esta pasada fin de semana, cun total de 580 vehículos, entre todoterreos, motocicletas, quads e buggies, e 820 persoas.
Ademais, achegáronse a Zapateira dous novos emprendedores, Antón Ambroa (Carral) e o carballés Rubén Garcia, creadores de GSRE (Galicia Simracing Events), unha plataforma que organiza carreiras virtuais de autocross nos catro circuítos galegos (Santa Comba, Rianxo, Carballo e Arteixo).
Antón e Rubén queren presentar o seu proxecto á Federación Galega de Automobilismo para crear un Campionato Galego oficial de Autocross Virtual en 2027. Contan coa colaboración de Rubén Castro, que xestiona a páxina de Facebook “Eu autocross”, unha fonte de información de referencia sobre o autocross galego.
Podes escoitar o programa nesta ligazón.

