Unha persoa faleceu na Coruña tras ser alcanzada por un tren, que realizaba o traxecto entre a cidade herculina e Ferrol, con 15 persoas a bordo. Todas están en bo estado.

Sobre as 7,00 horas deste venres, o persoal de seguridade da compañía comunicou ao 112 que o tren rexional que percorre o traxecto entre A Coruña e Ferrol alcanzou a unha persoa, pasado o porto, nas Xubias. Posteriormente, os profesionais de Urxencias Sanitarias de Galicia-061 confirmaron o seu falecemento.

Co fin de levar a cabo as investigacións pertinentes, desde o 112 pediuse a colaboración dos axentes da Policía Local e Nacional. Tamén se informou aos Bombeiros da Coruña por fósese necesaria a súa intervención.

Por este motivo, mentres levaron a cabo os traballos dos equipos de emerxencias e de seguridade, o tráfico ferroviario estivo cortado. A partir das 9,30 horas, puido renovarse a circulación, tal e como informou o centro de seguridade de Renfe (ADIF).

Ao cortarse o tráfico, os pasaxeiros do tren que alcanzou ao falecido, seguiron ata o seu destino por estrada.