O martes 18 de abril terá lugar a final do XI Premio de Alta Cociña da escola Le Cordon Bleu Madrid, na capital española. Nela participará o mozo galego de 19 anos Mateo de Miguel Blanco Martí, estudante do centro CEIP Paseo das Pontes da Coruña.
A final é en directo, dura 4 horas e compiten 10 finalistas que terán que enfrontarse a un xurado moi esixente entre os que se encontra Nacho Manzano, o famoso chef que xa conta con dúas Estrelas Michelín. Pero para chegar ata ela tamén necesitou do apoio do público, mediante plataformas como Facebook onde arrasou con 2.015 votos, o que máis coseguiu neste edición.
A final consistirá na elaboración dun plato cunha base común, polo de corral en salsa, peituga contisée e tartaleta de verudras, pero empregando técnicas libres e os ingredientes que elixan para así demostrar a súa técnica e creatividade.
O gañador, que se anunciará o mércores 22 de abril, optará a unha beca de estudos valorada en máis de 23.000€ e o seu centro recibirá unha axuda económica de 1.500€. O segundo clasificado terá acceso a unha beca de estudos de 8.500€.
