A Policía Nacional e funcionarios de Vixilancia Aduaneira da Axencia Tributaria detiveron a 16 persoas nas Palmas, Tenerife, Madrid e A Coruña pola súa presunta participación no tráfico de sustancias anabolizantes ilegais, ademais de ter vinculación con movementos ultras de fútbol de carácter violento.
View this post on Instagram
O mes de abril do ano pasado, os axentes da Policía tiveron noticias de que se estaría realizando un tráfico de sustancias anabolizantes hormonais desde Bulgaria e Portugal a España. Por mor desta investigación, tamén se constatou que o receptor dos paquetes tiña relación con estes grupos de fútbol de ideoloxía radical.
Segundo detalla a Policía, a organización recibía os anabolizantes hormonais que eran enviadas a España desde países como Portugal, Bulgaria ou Reino Unido. E unha vez aquí, dúas células da organización, desde Madrid e A Coruña, recibían estas sustancias e remitíanas a Canarias mediante paquetería postal, tentando eludir os controis fronteirizos e utlizando a terceiras persoas.
En total, a organización importaría unha cantidade superior aos 90 quilos de anabolizantes, algo que, segundo a Policía, proporcionaba aos seus membros inxentes beneficios que sustentaban o alto nivel de vida.
Froito da investigación, o 22 de marzo detívose a estas 16 persoas e levaron a cabo 12 rexistros simultáneos en Tenerife, As Palmas, Madrid e A Coruña, onde se incautaron 250.000 dose de anabolizantes, outras sustancias estupefacientes, diñeiro en efectivo, material informático e documentación.
Os detidos pasaron a disposición xudicial dos diversos partidos xudiciais afectados, sendo a titular do Xulgado de Instrución número uno de Coslada (Madrid) o que entende a causa.
