InicioA CORUÑA118.000 persoas practican sendeirismo polo menos unha vez ao ano na provincia...

118.000 persoas practican sendeirismo polo menos unha vez ao ano na provincia da Coruña

Publicada o

Por editor
118.000 persoas practican sendeirismo polo menos unha vez ao ano na provincia da Coruña. De xeito máis habitual, en torno a unha vez ao mes, son 66.000 persoas quen desenvolven este deporte, 35.000 deles homes e 31.000 mulleres. Son cifras extraídas do Anuario de Estatísticas Deportivas 2022 do Ministerio de Cultura e Deporte e as Enquisas de Hábitos Deportivos recollidas polo INE.
A diferenza doutros deportes, as disciplinas relacionadas coa montaña teñen máis adeptos entre as persoas maiores de 55 anos que entre a mocidade entre 15 e 24 anos. Na provincia da Coruña, o número de sendeiristas por encima de 55 anos rolda a cifra de 20.500, mentres que no rango de idade entre 15 e 24 anos queda nuns 8.000. O resto, unhas 37.500 persoas, teñen entre 25 e 54 anos.
160.000 persoas teñen, comparten ou poden tomar prestada unha tenda de campaña na provincia. Un equipamento, a tenda de campaña, que adoita empregarse en rutas longas que requiren de maior preparación. Con todo, o acceso a material relacionado co montañismo é mesmo maior, de 220.000 persoas na provincia da Coruña.
Por último, en Galicia houbo, en 2021, 6.578 licenzas deportivas de ‘Montaña e Escalada’, das que 4.061 pertencían a homes e 2.517 a mulleres. Hai que ter en conta que os sendeiristas, a pesar de non ser necesariamente considerados “escaladores” ou “alpinistas”, acaparan boa parte das licenzas federativas, xa que así obteñen un seguro de rescate e outras vantaxes. A nivel estatal, máis 6,6 millóns de persoas practican sendeirismo esporadicamente e 3,7 millóns deles fano de forma habitual.

ÚLTIMAS

A resaca branquiazul

Celebrou a Coruña, por partida cuádruple, o ansiado ascendo do Dépor á 2ª División....

Nace o I Premio Autobán ao Mellor Fanzine Galego 2023-2024

A Asociación Cultural Autobán, co apoio do Concello da Coruña, acaba de anunciar o...

Olladas doutro tempo: Santa Lucía

A escalinata de Santa Lucía sube dende a avenida de Fernández Latorre ata a...

Un detido na Coruña tras desarticular dúas organizacións que regularizaban fraudulentamente migrantes

Axentes da Policía Nacional, coa colaboración de Europol, desmantelaron dúas organizacións criminais e detiveron a 69 persoas, 35...