Os servizos de emerxencia rescataron este domingo o corpo sen vida dun home que foi atopado na auga nas proximidades da praia de Repibelo, no municipio coruñés de Arteixo.
Foi un pescador que se atopaba na zona quen deu o aviso á primeira hora da mañá. Ata o areal desprazáronse efectivos da Policía Local e os Bombeiros de Arteixo, así como da Garda Civil. Polo momento, á espera da autopsia, descoñécense as causas da morte deste home.
