O alumnado de terceiro curso do Grao en Educación Social da Universidade da Coruña estuda a forma na que os discursos de odio impactan no corpo humano a nivel físico, mental, emocional e relacional.
Este proxecto académico realízase en colaboración coa Rede Acampa que celebrará o VII Encontro Internacional Acampa pola Paz baixo a lema ‘Odio ou convivencia’. Os resultados desta iniciativa presentaranse durante este evento, que terá lugar entre os días 16 e o 18 de xuño na Coruña.
Segundo explicou Rede Acampa a través dun comunicado, o estudo consiste na recompilación de comentarios racistas e machistas ou relacionados coa LGTBI+fobia, gordofobia, aporofobia, clasismo, idadismo ou capacitismo e a análise da súa repercusión a través de relatos individuais e cartografías, coa participación de colectivos vulnerables de 14 entidades da cidade herculina.
O tema ‘Odio ou Convivencia’ foi elixido polas distintas organizacións que integran Rede Acampa debido ao “crecemento do odio a nivel global, a diminución da tolerancia social ao diferente, nun momento en que os tránsitos migratorios multiplicaranse e millóns de persoas camiñarán en procura de refuxio”.
