O mozo acoitelado este sábado no centro da Coruña, nun suceso no que se viron implicada unha cuadrilla de 15 mozos, foi dado de alta este domingo, segundo confirmou a Delegación do Goberno.

O mozo, con prognóstico grave, foi trasladado este sábado ao Complexo Hospitalario Universitario da Coruña, onde foi intervido e onde permaneceu ata esta tarde.

Segundo informaron fontes policiais a Europa Press, o suceso produciuse pasadas as 20,00 horas deste sábado na rúa Médico Rodríguez da cidade herculina.

Aínda que nos feitos están involucrados ao redor de 15 mozos, a Polícia afirma que se trata dun único agresor, que está a ser investigado. Así, matizan que os datos solicitados ata o momento non apuntan a que se trate dunha banda organizada para delinquir.