InicioECONOMÍASeguen subindo os prezos do aluguer na Coruña; case un 10% máis...

Seguen subindo os prezos do aluguer na Coruña; case un 10% máis caros en febreiro

Publicada o

Por editor

O piso tipo de aluguer en Galicia rexistrou este mes de febreiro un prezo medio de 8,17 euros por metro cadrado (m2), o que supuxo unha subida do 8,1% se se fai a comparativa co mesmo mes de 2022, segundo os datos recolleitos polo portal inmobiliario Fotocasa.

Os datos dados a coñecer este luns indican que a subida dos prezos medios do aluguer con respecto ao mes pasado sitúase en 1,1%. Estas cifras son similares ás do conxunto estatal, onde o custo medio das vivendas en aluguer aumentou un 10,2% no último ano, mentres que o fixo un 2% se se compara co mes de xaneiro.

Por provincias, as catro experimentaron subidas interanuais dos alugueres, sendo Ourense a que máis aumenta, un 12,7%, e na que o prezo medio se sitúa nos 6,29 euros. Así, está seguida por Lugo cunha subida do 8,5% e o metro cadrado a 6,88 euros.

Deste xeito, Pontevedra e A Coruña sofren aumentos máis lixeiros, un 7,2% e un 5,4%, respectivamente. Con todo, son as provincias cos prezos por metro cadrado máis alto a 9,08 e 8,23.

DATOS POR MUNICIPIOS

Por municipios, a cidade de Ferrol é a que máis incrementos acumula en febreiro, cun 14,3%. A ela séguenlle as cidades de Santiago de Compostela (13,9%), Ourense (10,4%), A Coruña (9,6%) e Vigo (9,0%).

En canto ao prezo por metro cadrado en febreiro, a cidade da Coruña ten o máis elevado, con 9,57 euros o metro cadrado, seguida de preto por Vigo con 9,46 e Santiago con 9,01 euros.

ÚLTIMAS

Nova protesta para pedir “xustiza” e “máis investigación” polo asasinato de Yoel Quispe

Familiares e amigos de Yoel Quispe, o mozo español de orixe peruana, de 22...

O BNG pedirá no Parlamento galego a declaración da Coruña como mercado de vivenda tensionado

A portavoz nacional do BNG, Ana Pontón, anunciou que a formación nacionalista pedirá no Parlamento galego a...

A Audiencia Nacional avala o ERE de Teleperformance de 2023, cun total de 299 despedimentos, 38 na Coruña

A Audiencia Nacional declarou "axustado a dereito" o expediente de regulación de emprego (ERE) promovido no...

“A Coruña foi unha cidade moi importante para o movemento creativo en fanzines”

A Libraría Suevia da Coruña acolleu este pasado xoves 29 de febreiro a presentación...

DEIXAR UN COMENTARIO

Please enter your comment!
Please enter your name here