InicioECONOMÍAO comercio sae á rúa para esixir un convenio digno que "garanta"...

O comercio sae á rúa para esixir un convenio digno que “garanta” o poder adquisitivo

Publicada o

Por europapress

UGT, CIG e CC.OO convocaron unha manifestación este domingo no centro da Coruña para esixir á patronal do Comercio Vario un convenio digno, que garanta a non perda de poder adquisitivo do conxunto dos traballadores afectados polo Convenio, máis de 20.000 na provincia. A manifestación comezou ás 12,00 horas no centro comercial Catro Camiños e continuou cara á rúa Bailén, diante do antigo cinema París.

Entre as súas principais reclamacións á patronal están unha subida salarial moi afastada ao que subiu a vida (IPC) os anos 2021 e 2022, non querer falar de redución de xornada, “nin sequera pola vía dos asuntos propios”, non querer limitar de ningunha maneira a contratación a tempo parcial e non querer falar de ampliación de descansos.

Segundo avanza a Europa Press a responsable do Sector Comercio na FeSMC UGT A Coruña, Sheila Canzobre, mañá reuniranse co A.G.A. para unha mediación. Aínda que valoran “moi positivamente” a participación dos traballadores afectados polo convenio, sobre todo do pequeno comercio, afirma que está “lonxe” de chegar a un acordo en termos salariais.

“A proposta por parte da patronal fai que perdamos poder adquisitivo, xa que no ano 2012/2022 a inflación foi dun 12,20% e a subida que nos propoñen é dun 7,5%”, explica.

Hai “determinadas liñas vermellas” que, asegura, non están dispostos a pasar. Sinalan que a patronal non está disposta a falar da redución de xornada anual, licenzas retribuídas como o aumento de asuntos propios, plus de tarde e plus de sábados.

“Non estamos dispostos a que non queiran limitar a contracción temporal e tampouco a que non amplíen os descansos. Estamos lonxe de chegar a un acordo que garanta as condicións dos traballadores”, afirma. Apunta tamén que, se mañá non chegan a acordo, o próximo movemento será a folga.

ÚLTIMAS

Nova protesta para pedir “xustiza” e “máis investigación” polo asasinato de Yoel Quispe

Familiares e amigos de Yoel Quispe, o mozo español de orixe peruana, de 22...

O BNG pedirá no Parlamento galego a declaración da Coruña como mercado de vivenda tensionado

A portavoz nacional do BNG, Ana Pontón, anunciou que a formación nacionalista pedirá no Parlamento galego a...

A Audiencia Nacional avala o ERE de Teleperformance de 2023, cun total de 299 despedimentos, 38 na Coruña

A Audiencia Nacional declarou "axustado a dereito" o expediente de regulación de emprego (ERE) promovido no...

“A Coruña foi unha cidade moi importante para o movemento creativo en fanzines”

A Libraría Suevia da Coruña acolleu este pasado xoves 29 de febreiro a presentación...