InicioSOCIEDADEFalece unha muller con Covid na área da Coruña

Falece unha muller con Covid na área da Coruña

Publicada o

Por editor

Os casos activos de Covid en Galicia descenden ata os 827, mentres que os hospitalizados sitúanse en 166, 160 en planta e seis en unidades de coidados intensivos.

Así se recolle no último parte actualizado da Consellería de Sanidade, con datos ata as 18,00 horas do domingo, que notifica tamén tres novos falecementos, polo que as vítimas desde o inicio da pandemia en Galicia ascenden a 4.103.

Os últimos falecementos foron unha muller de 73 anos o pasado 19 de marzo na área sanitaria da Coruña e Cee; unha muller de 92 anos, falecida o día 22 na área sanitaria de Ferrol; e un home de 87 anos, falecido o día 24 de marzo na área sanitaria de Lugo, A Mariña e Monforte de Lemos. Todos eles presentaban patoloxías previas.

En canto aos casos activos, na área sanitaria da Coruña son 186; 76 na de Lugo; 113 na de Ourense; 102 na de Pontevedra; 138 na de Vigo; 146 na de Santiago; e 66 na de Ferrol. Así mesmo, do total de pacientes positivos, seis están en UCI e 160 en unidades convencionais. Por áreas sanitarias, na Coruña atópanse 50 en planta e un en UCI; na de Ferrol, 12 en unidades de coidados intensivos; e na de Lugo son oito en planta e dúas en UCI.

Mentres, Ourense rexistra 20 pacientes en planta e dous en UCI; Pontevedra, 23 en planta; e Santiago, 30 en planta e un en UCI. Por último, en Vigo hai 17 hospitalizados e ningún en UCI.

ÚLTIMAS

Olladas doutro tempo: Santa Lucía

A escalinata de Santa Lucía sube dende a avenida de Fernández Latorre ata a...

Un detido na Coruña tras desarticular dúas organizacións que regularizaban fraudulentamente migrantes

Axentes da Policía Nacional, coa colaboración de Europol, desmantelaron dúas organizacións criminais e detiveron a 69 persoas, 35...

O proxecto “Aquí tamén se fala” leva un dos Premio Rosalía de Castro de Lingua

A escritora, sociolingüista, política e profesora Pilar García Negro; o movemento de renovación pedagóxica...

“La Flor de Jamón” xa ten o seu documental

Dende o ano 1962 “La Flor del Jamón” é unha das jamonerías máis miticas...

DEIXAR UN COMENTARIO

Please enter your comment!
Please enter your name here