InicioOPINIÓNPoñer os barrios no centro das políticas municipais

Poñer os barrios no centro das políticas municipais

Publicada o

Por Francisco Jorquera

Segundo as estatísticas oficiais, A Coruña é a cidade galega co índice de desigualdade máis elevado. Desigualdades que se acentuaron aínda máis após a panademia.

E, como di a sentenza popular, “a crise vai por barrios”. Hai pouco coñecíamos tamén os resultados dun estudo que reflicte como a fenda en termos de renda é cada vez maior entre os distintos barrios da Coruña. Mentres nos últimos tempos nalgúns poucos barrios a renda per cápita incrementouse, na maioría diminuíu.

Facer fronte ás desigualdades involucra as distintas administracións, non só a municipal. Entre outras medidas son necesarias políticas redistributivas e afortalar os servizos públicos e as políticas sociais. Porén, as desigualdades medidas en termos de renda non poden ser fonte doutras diferenzas que acentúen a dualidade entre barrios ricos e pobres.

Así, o propio Informe Municipal da Axenda 2030 alerta da crecente desigualdade entre barrios, que afecta tamén a disparidade na calidade do espazo público, na dotación de equipamentos ou na prestación de determinados servizos municipais.

Fronte a iso cómpre apostar desde o Concello por políticas de rexeneración e revitalización dos barrios.

Non pode depender de vivir nun ou noutro barrio que rúas, prazas, parques ou xardíns estean limpos e ben conservados.

Non pode depender de vivir nun ou noutro barrio poder desfrutar dun espazo público accesíbel e de calidade, feito á medida das persoas.

Nin pode depender de vivir nun ou noutro barrio poder gozar de servizos ou equipamentos básicos para a calidade de vida dos cidadáns.

Entre todas e todos temos que construír unha Coruña inclusiva e cohesionada, comprometida na loita contra as desigualdades e calquera forma de exclusión.

E entre todas e todos temos que construír unha Coruña integrada, acabando coa fenda entre barrios ricos e pobres.

Para iso, cómpre poñer os barrios no centro das políticas municipais.

 

  • Francisco Jorquera Caselas. Voceiro do BNG no Concello e candidato á Alcaldía.

Máis artigos de Jorquera en XdC

 

ÚLTIMAS

Teoría e práctica da política pailaroca

Estes días desencadeouse unha treboada político-mediática porque «unha galería de arte Viguesa», a prestixiosa...

Olladas doutro tempo: Torre de Hércules (III)

Vén de: Torre de Hércules (I) Torre de Hércules (II). --- ---- ---- O faro máis...

O CHUAC, centro de referencia nacional para tumores renais con afectación vascular e enfermidades glomerulares

O Complexo Hospitalario Universitario da Coruña (CHUAC) foi recoñecido polo Ministerio de Sanidade con...

Piden entre oito e nove anos de cárcere para sete membros do clan da Mora por tráfico de drogas

A Fiscalía pide entre oito e nove anos de prisión para sete membros do...

DEIXAR UN COMENTARIO

Please enter your comment!
Please enter your name here