Xa é posible solicitar o voto por correo para as eleccións municipais que se celebrarán o domingo 28 de maio de 2023.
Os electores que decidan votar por correo poderán solicitar ata o 18 de maio (incluído) o Certificado da súa inscrición no Censo Electoral correspondente. A obtención deste certificado é requisito imprescindible para poder votar por correspondencia e pódese solicitar por vía electrónica a través da páxina web www.correos.es. ou presencialmente en calquera Oficina de Correos de España.
Online
Os electores poden solicitar o seu voto a través da páxina web de Correos (www.correos.es), sen necesidade de acudir persoalmente a unha oficina de correos. É necesario ter DNI Electrónico ou Certificado Dixital.
En oficinas
A solicitude de voto por correo pódese realizar en todas as Oficinas de Correos de España. Esta solicitude deberá ser realizada persoalmente por cada elector, salvo no caso de enfermidade ou discapacidade -acreditada mediante certificación médica oficial- que impida a formulación persoal da dita solicitude. Neste caso, poderá ser presentado en nome do elector por outra persoa autorizada por notario ou autoridade consular.
No momento de realizar a solicitude, os interesados deberán acreditar a súa identidade presentando o DNI, pasaporte ou carné de conducir orixinal ante o empregado de Correos.
O prazo para solicitar o voto é ata o 18 de maio, e terás ata o 24 para depositar o sobre co voto en calquera oficina.
