A Garda Civil en colaboración cos Gardas Rurais da Confraría da Coruña, detivo tres veciños da Coruña como presuntos autores dun delito de desobediencia grave. O suceco aconteceu cando a Patrulla do Servizo de Protección da Natureza (PAPRONA) da Garda Civil de Arteixo viron como os tres furtivos estaban extraendo ilegalmente percebes, na zona da Illa a Gaianda.

Os axentes solicitaron reforzos para evitar vías de escate, e nun momento no que lles perderon de vista, decidiron intervir, localizándoas cando se dirixían cara a estrada, momento no que os homes detectaron a presenza dos gardas civís, comezando a fuxir coa bolsa de percebes pola matogueira, ignorando as ordes de parar.

A Garda Civil iniciou unha persecución ata a beira, xa que os furtivos se lanzaron ao mar coas capturas, de novo os efectivos actuantes deron as oportunas instrucións para que regresasen a terra, de novo non facéndolles caso, regresando á illa onde realizaron o labores de extracción.

Ante esta situación, os gardas civís solicitaron a colaboración da Confraría da Coruña, que lles facilitou unha embarcación tripulada polos seus Gardas Rurais, que se trasladaron á illa, detiveron aos 3 homes e regresaron a porto, dende onde trasladaron aos detidos ás dependencias do Posto Principal de Arteixo.

Os axentes incautaron o material, 15 kg de percebes (foron entregados á Institución Social Benéfica Padre Rubinos da Coruña), elaboraron a denuncia, e puxeron aos detidos a disposición do Xulgado de Instrución de garda da Coruña.

Así foi a persecución da @GCivilCoruna a 3 furtivos que se botaron ao mar e obrigaron aos axentes a embarcarse para detelos, por furtivismo e por desobediencia grave. pic.twitter.com/9G4YHdEHPh

— Xornal da Coruña (@xornaldacoruna) May 7, 2023