- 182 pezas vanse proxectar.
- 25 estreas internacionais e 41 en España.
- 12 nacionalidades (Estados Unidos, Reino Unido, Canadá, Italia, Arxentina, Francia, Chile, Alemaña, República Checa, Corea del Sur, Portugal e España)
- 17 pezas de 20 cineastas galegos/as.
- 5 sedes: Palexco, Domus, Fundación Luis Seoane, Filmoteca de Galicia e Afundación – Obra Social ABANCA.
Estas son as cifras que dan conta da potencia do XIV (S8) Mostra Internacional de Cinema Periférico. Un festival que debullaba hoxe a súa programación por Ángel Rueda, director do festival, en presencia de Rodrigo Osorio, representante da Asociación Cultural O Mural. I é que a imaxe do festival está protagonizada polo mundo onírico, idealizado e soñador de Urbano Lugrís, servindo así de homenaxe polo 50 aniversario da súa morte. Un pintor que, en palabras do “encaixa moi ben no (S8) porque é un artista periférico: no xeográfico, porque desenvolveu boa parte da súa traxectoria en Galicia, con importantes incursións tamén a nivel estatal; e no ideolóxico, porque foi un gran nacionalista galego”, sinalou Osorio.
O (S8) inclúe un programa temático acorde coa súa imaxe, que estará dedicado a esas películas que buscan retomar a visión da infancia: “Paisaxes encantadas” como aquelas que pintaba Lugrís. Abrirá a sesión a estrea internacional de And so it came about, de Charlotte Pryce, e poderán verse filmes de destacadas cineastas contemporáneas como Gaëlle Rouard, Ute Aurand ou Jennifer Reeves, así como do mítico creador checo Jan Svankmajer.
Será só unha parte da programación dun (S8) que, segundo adiantou, proxectará máis de 180 pezas procedentes dunha ducia de países (Estados Unidos, Reino Unido, Canadá, Italia, Arxentina, Francia, Chile, Alemaña, República Checa, Corea do Sur, Portugal e España). Boa proba, segundo Rueda, de que o analóxico “non é un formato antigo ou vello, como ás veces queren facernos crer” e de que “se pode facer cinema experimental de vangarda comprometido cun pensamento libre”.
Toda a información en s8cinema.com
