A Federación de Asociacións veciñais da Coruña e Área Metropolitana (FAVA Coruña) organiza entre outubro e novembro varias charlas formativas para asociacións veciñais e veciños a título particular dentro do seu programa “Escola veciñal”, correspondentes a este ano 2025.
Un programa, patrocinado pola Xunta e coa colaboración municipal, que ten como obxectivo mellorar a formación e profundizar nun diverso espectro de temas de debate específicos do ámbito do asociacionismo veciñal fomentando un tecido asociativo dinámico e participativo. Nesta edición as entidades participantes son Fundación SALMA, a consultora PERMAE e Policía Nacional, para falar de saúde mental, de reciclaxe e de ciberdelicuencia e delitos informáticos Todo nun formato de charla participativa que sirva para mellorar con expertos tamén o coñecemento de temas puntuais.
Os encontros proxectados no Local da FAVA no Centro Cívico do Birloque son:
- 27 DE OUTUBRO. 18:30 h., O coidado da saúde mental en comunidade realizado por Ana González da Fundación SALMA.
- 3 DE NOVEMBRO. 18:30 h., Charla sobre reciclaxe. Dende o proxecto de divulgación ambiental “O camiño sostible” por Andrés Silva Vázquez (biólogo, maestro compostero e experto en residuos)
- 17 DE NOVEMBRO. 18:30 h., Charla sobre ciberdelincuencia e delitos informáticos realizada pola Policía Nacional
