O barrio máis poboado da cidade, ten preparada unha boa troula para este mes de xuño. Este venres comeza a FoliAgra, a festa tradicional do barrio, cun programa pensado para grandes e crianzas: xogos tradicionais e espectáculos de maxia para as crianzas, pasarrúas e cantos de taberna nas fins de semana de todo o mes e poñemos o ramo con dous concertos o 25 de xuño.

O barrio prepárase para un mes de cantar, bailar e tomar uns aperitivos ou xantar calquera sábado e domingo do mes de xuño coas Ruadas entre as 12 e as 14:30 h.. Os pasarrúas encherán as rúas de música e baile tradicional: sairán da praza das Cunchiñas e irán percorrendo as rúas anexas con música e pezas de baile.

A xente do barrio é consciente da carencia dun espao público onde organizar unha festa ao aire libre (de aí a necesidade do parque da Agra no Campo da Burra) por iso recorren aos centros de ensino para os actos das crianzas, ao Ágora para o concerto principal

Podes ver aquí toda a programación e poden localizar no mapa os diferentes eventos da FoliAgra 2023 coa información actualizada.

FoliAgra das CRIANZAS

C.E.I.P. Raquel Camacho

• 2 de xuño, venres: Eira Xandobeleira (xogos tradicionais)
• 9 de xuño, venres: tres funcións dun espectáculo de maxia, con Martín Camiña/Fani Triana

CEIP María Barbeito e Cerviño

• 9 de xuño, venres: Eira Xandobeleira (xogos tradicionais)
• 19 de xuño, luns: tres funcións dun espectáculo de maxia, con Martín Camiña/Fani Triana

RUADAS (das 12 ás 14:30 h) Saída dende a Praza das Cunchiñas

• sábado 3: Herba Grileira
• domingo 4: Orballo
• sábado 10: Donaire
• domingo 11: Santaia
• sábado 17: Cántigas da Terra
• domingo 18: Cántigas e Frores
• sábado 24: Ancoradoira

CONCERTOS: 25 de xuño no auditorio do Centro Ágora (entrada libre e de balde)

• A partir das 12 h: Banda Municipal da Coruña
• Ás 19 h: Tiruleque

CANTOS DE TABERNA (das 20 ás 23 h.) os grupos actúan durante 30 minutos en cada local

• sábado 3 de xuño: cos grupos Tradivivas Agra; Vento Mareiro; Tombalobos; Raíñas ao lado de..; Cantareiros do Naval; nos seguintes locais: Adega Cacabelos; Cafetaría De Juanes; Adega A Grade; Cafetaría D’ylons; Cafetaría Coruña.
• sábado 17 de xuño: cos grupos Son d’aquí; Parabéns; Raíñas ao lado de..; Cantareiros do Naval; Birloque Gaiteiros; nos seguintes locais: Cafetaría Perejil; Bar Vecino; Bar Ordenes; Bar O Meu Bar; Cafetaría Bendito Café.