A conselleira de Infraestruturas, Ethel Vázquez, anunciou este martes, que as primeiras obras da ampliación do Complexo Hospitalario Universitario da Coruña (Chuac) estarán licitadas este mes de xullo. O proxecto, segundo detallou, inclúe a Torre Polivalente, os accesos e a demolición do Hotel de pacientes.

“Estamos ante a maior reforma de infraestruturas sanitarias de forma simultánea na comunidade autónoma”, encomiou Vázquez ao facer alusión á reforma do Hospital Arquitecto Marcide de Ferrol, de Montecelo en Pontevedra, e as ampliacións dos complexos de Ourense e Santiago.