InicioMOV. SOCIAISTraballadoras de San Brandán esixen a aprobación do convenio

Traballadoras de San Brandán esixen a aprobación do convenio

Publicada o

Por Ubaldo Cerqueiro
5 anos leva sen renovarse o convenio colectivo das traballadoras de San Brandán. Unha situación que as leva a realizar diferentes mobilizacións como a desenvolta esta tarde de xoves polo centro da cidade.
Medio centenar de traballadoras cortaban o final da Avda. de Fisterra e o comezo de Juan Florez para berrar “por un convenio colectivo digno” diante da tenda da Praza de Pontevedra.
Manifa STL San brandan 2
A concentración parou a berrar diante da tenda que a empresa ten ao comezo de Juan Florez
Son 140 traballadoras de 26 tendas as afectadas polo retraso na aprobación do convenio, que deixa a moitas delas con soldos entre os 850 e os 950 euros por 40 horas. “É incrible que nin sexamos mileuristas a estas alturas”, explica a representante de Sherezade Benítez, representante do sindicato STL, lembrando que unha das peticións máis básicas é que se lles faga efectiva a suba do IPC do 16%.
O sindicato, que sobrevive trala polémica a comezos de ano arredor do contrato do lixo, lidera as mobilizacións a pesar de contar con presenza só no comité de empresa de tendas, non de fábrica, e non ter participación na mesa de negociación do convenio. Unha mesa que se segue desenvolvendo en presenza da CIG, UGT e CCOO. “Tivemos que vir os pequenos para axitar aos sindicatos que non desactivan unha negociación estancada”, apura Sherezade.
“Fixémonos ver e sobre todo oír”, sinala satisfeita da mobilización de hoxe ao tempo que lembra a convocatoria de folga indefinida e intermitente cunha primeira sesión para o 16 de xullo.

ÚLTIMAS

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...

Inés Rey ve “marxe” para un acordo que evite a folga de limpeza no San Xoán

A alcaldesa da Coruña, Inés Rey, apuntou que existe "marxe" para alcanzar un acordo que...

Persoal da Axencia Tributaria demanda nunha protesta na Coruña melloras laborais

Máis dun centenar de traballadores e traballadoras da Axencia Tributaria (AEAT) secundaron na Coruña...

A Torre de Hércules, Luísa Villalta, o Deportivo e o Básquet Coruña na falla de San Xoán

A Torre de Hércules, a autora Luísa Villalta e o deporte coruñés serán os...

DEIXAR UN COMENTARIO

Please enter your comment!
Please enter your name here