O número de persoas afiliadas á Seguridade Social aumentou nos últimos 12 meses (de maio de 2022 a maio de 2023) nas sete grandes cidades galegas, segundo os datos que publica este luns o Instituto Galego de Estatística (IGE).

Os maiores incrementos déronse nos concellos da Coruña e Santiago, con alzas nos cotizantes do 2,3% e do 2,7%, respectivamente. En concreto, en maio, a comunidade rexistrou 1.057.831 afiliacións, un 0,6% máis que o mes anterior. Delas, 1.033.266 (o 97,7%) corresponden a persoas cuxa residencia se atopa nun dos municipios de Galicia.