InicioM.AMBIENTE E PATRIMONIOLiberan na praia de Esmelle seis pitos de píllara das dunas criados...

Liberan na praia de Esmelle seis pitos de píllara das dunas criados no Centro de Recuperación de Oleiros

Publicada o

Por europapress

A delegada da Xunta en Ferrol, Martina Aneiros, acompañada de persoal técnico e os representantes da USC, Jesús Domínguez e María Vidal, participou na liberación de seis exemplares de píllara das dunas na praia de Esmelle.

A acción, explican nun comunicado, enmárcase no plan de recuperación desta especie promovido pola Vicepresidencia Segunda e Consellería de Medio Ambiente, Territorio e Vivenda, en colaboración coa Universidade de Santiago de Compostela e a axuda de entidades colaboradoras, como a Sociedade Galega de Historia Natural.

Concretamente, forma parte do programa de conservación ex situ que se desenvolve mediante a incubación e cría en catividade no Centro de Recuperación da Fauna Silvestre de Oleiros.

Alí criáronse 31 pitos de píllara das dunas, que esta campaña están a ser liberados exclusívamente no areal de Esmelle. Ademais dos seis liberados este venres, o proceso continuará durante o mes de agosto ata alcanzar os 31 exemplares criados.

O obxectivo do proxecto, destacan no comunicado, é que a píllara das dunas recolonice o norte da provincia da Coruña, onde se detectou un descenso da poboación nos últimos anos, tal e como explica a bióloga da USC, María Vidal Malde.

“Constatamos que pitos anillados nados en praias de Ferrolterra criaban noutras praias de Galicia, como as de Bergantiños ou Barbanza, por iso pensamos que é unha boa estratexia liberalos nas praias desta comarca”, destacou.

ÚLTIMAS

Morre un home na praia do Orzán, menos dun día despois doutro falecido en Riazor

Un home perdeu a vida na mañá deste mércores na praia do Orzán, na...

A concesionaria do servizo de lixo da Coruña comeza a aplicar man dura contra os folguistas

A concesionaria do servizo de recollida de lixo da Coruña, Prezero, comunicou 29 sancións graves este...

O 4 de marzo, martes de Entroido, e o 24 de xuño, San Xoán, serán festivos na Coruña en 2025

O Concello da Coruña decretou que o 4 de marzo, martes de Entroido, e o 24...

Mariscadores do Burgo secundan unha nova concentración á espera dunha solución ás axudas que reclaman

Membros da Confraría de Pescadores da Coruña mobilizáronse, este mércores ante a Delegación do Goberno, para esixir...