A Coruña é o municipio galego máis demandado para aluguer no segundo trimestre, segundo o ranking elaborado polo portal inmobiliario idealista.com, que sitúa a este concello no posto 59.
A continuación figuran Santiago (67), Vigo (84), Lugo (89) e Ourense (96). Se o que se observa é o prezo do aluguer, o prezo máis elevado é o de Vigo, que se sitúa no posto 72, con 755 euros ao mes.
Séguenlle por valor o aluguer na Coruña (715 euros ao mes), Santiago (692 euros ao mes), Lugo (575 euros ao mes) e Ourense (550 euros ao mes).
O ranking do segundo trimestre de 2023 dos 100 municipios máis demandados no mercado de aluguer elabórao idealista con estatísticas sobre rendas e demanda relativa e volve ofrecer unha clasificación as zonas máis buscadas entre os usuarios de idealista para atopar unha casa en aluguer e os prezos medianos da oferta que se anuncia no ‘marketplace’ inmobiliario, sempre que cumpran cun amplo stock de anuncios en idealista (máis de 1.450 entre venda e aluguer) durante o período analizado.
