InicioMOV. SOCIAIS25 anos do cárcere de Teixeiro: Do castigo á reinserción

25 anos do cárcere de Teixeiro: Do castigo á reinserción

Publicada o

Por Rosaura Romo Hernández

Este ano o cárcere de Teixeiro cumpre 25 anos e por ese motivo organizouse dende o centro unha serie de actividades que conmemoran a data na que se encadra esta exposición que se pode ver ata este próximo venres na Fundación Barrié.

É difícil formular a celebración da apertura dun cárcere, onde os mesmos termos se contradín (apertura – cárcere), pero si que o dota de sentido a perspectiva coa que se fixo: amosar a sociedade a importancia dos programas tratamentais, da reeducación, do sentido da reinserción.

E é que os centros penitenciarios construíronse baixo esta premisa, a de separar, illar ás persoas que cometeron delitos e afastar da sociedade dos seus propios erros. E agora, esta exposición o que pretende é achegalos un pouquiño, xa que tanto afastamento provocou que a sociedade eximirá as súas responsabilidades.

Por suposto que hai que poñer en valor o traballo de todo o persoal funciario, as entidades que traballan nos centros e a vontade e o esforzo de cambio das persoas que queren saír, pero a reinserción non é posible sen o papel activo da sociedade nela, porque é onde teñen que refacer as súas vidas e ser acollidos.

Internos do CIS visitando a exposición

Vanessa Casteleiro, a fotógrafa responsable das imaxes que se amosan, enriqueceu a nosa visita contando a súa experiencia realizando o traballo, o impacto que tivo sobre ela coñecer unha realidade que se mostra á sociedade a maioría das veces dunha maneira moi estereotipada e distorsionada. E é que hai tanto que contar e mostrar que a exposición só pode ser unha primeira iniciativa dun proxecto máis profundo e alongado no tempo.

O recorrido mostra fotografías de persoas en diferentes momentos das súas rutinas cumprindo condena onde se poden ver tamén diferentes espazos da prisión e traballos que fan, espazos cada vez máis humanizados e agradables, porque iso tamén axuda a que unha persoa estea mellor consigo mesma e o seu entorno, un traballo esecial na reinserción.

Nesta ocasión percorremos a exposición un grupo de persoas do Centro de Inserción social, acompañados pola fotógrafa e un eduador do C.P. Texeiro, César Barrios, quen foron as persoas responsables de guiarnos. Unha visita moi interesante polo cambio de perspectiva que supón para persoas persoas que cumpriron condena en Teixeiro, agora en semiliberdade.

Exposicion 25 anos Prision teixeiro

  • Rosaura Romo. Licenciada en Historia da Arte e traballadora do terceiro sector.

Artigos relacionados

Proxecto Polaroid: A arte de vivir ao instante

Fundación Érguete: “Ata que o sistema penintenciario non saia á rúa, non haberá unha reinserción real”

ÚLTIMAS

Homenaxe do PPdeG a Luísa Villalta coa presenza da nai, a irmá e un sobriño

O PPdeG celebrou este sábado un acto na Coruña polas Letras Galegas no que reivindicou...

Sabías que Pablo Picasso se estreou como retratista na Coruña?

Pablo Ruiz Picasso era un neno de 9 anos cando chegou á Coruña, aló...

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

DEIXAR UN COMENTARIO

Please enter your comment!
Please enter your name here