Co gallo da Semana da Mobilidade, Ecoloxistas en Acción A Coruña aproveita para solicitar que o Concello insira carrís bici en avenidas importantes como Alfonso Molina, Ronda de Outeiro, Avenida de Arteixo ou a Avenida de Oza.
A entidade considera “a escasa infrastructura dispoñible para moverse coa bicicleta da que dispón a cidade da Coruña. Se ben nos últimos anos apostouse pola implantación de máis estacións de bicicletas públicas, que o colectivo celebra e que segundo o concello fixo que aumentansen os usuarios no último ano, o investimento para dotar á cidade de vías de circulación axeitadas para a bici quédase curto”.
Entenden que estas avenidas son claves como eixes de comunicación, pero ou carecen de carril exclusivo, ou só algúns tramos. “Se unha persoa non pode facer o percorrido completo en bici, por medo a ser embestida por un coche nos tramos sen un carril bici exclusivo, simplemente non vai usala” indica Eloy Pérez, voceiro do grupo de A Coruña de Ecoloxistas en Acción.
O colectivo tamén lamenta que o concello tome medidas na dirección oposta, como a ampliación da Avenida Alfonso Molina, que aumenta a dependencia dos combustibles fósiles. “A reducción do tráfico, argumentan, ten que pasar polo aumento da capacidade do transporte público”.
Ecoloxistas en Acción defende que o obxetivo debe ser converter a bicicleta no medio de transporte principal dos veciños e veciñas, tomando como referencia cidades como Amsterdam ou París.
Máis novas
A Escola da Bici de Mobiliza ou como perder o medo a circular pola cidade
O Goberno autoriza licitar por 18,2 millóns as obras de ampliación de Alfonso Molina
