Animalistas concentráronse este mediodía na Coruña, na praza de María Pita, en contra do “masacre de xabaríns” ante a que piden medidas éticas para controlar a especie.
Esta protesta chega despois de que a Xunta declarase unha emerxencia cinexética que supón unha caza sen límite en 248 municipios, o 80% de Galicia. Segundo explicou a Europa Press a coordinadora de Pacma na Coruña, Manuela García, “non están de acordo” coa “declaración repentina” do Executivo autonómico.
“Non estamos de acordo, á parte de que porque hai moitas alternativas éticas antes que a matanza, porque non hai ningún xustificante para que poidan dicir que hai unha superpoblación de xabaríns”, remarcou.
View this post on Instagram
A continuación, explicou que “non hai ningunha base xustificada” que poida motivar esa decisión. “Como a orde foi moi inmediata nosa resposta tamén ten que selo”, puntualizou.
Na concentración leron varios manifestos e avanzou que a partir deste luns Pacma vai realizar un recurso contra esa orde. Desta forma, incidiu en que alternativas á caza “hai moitas” como poden ser os valados, comederos forestais e subministración de comida anticonceptiva, entre outras moitas.
“Alternativas hainas o que pasa é que para eles é unha perda de tempo e o máis simple é dar licenza a toda esta xente que poderá campar ás súas anchas polos montes de Galicia”, lamentou. Finalmente, avanzou que este luns interporán un recurso legal, amparado en varias leis que “neste caso non levan a cabo”, contra a resolución do Executivo autonómico.
View this post on Instagram
O FRACASO DAS POLÍTICAS CINEXÉTICAS DO XABARIL
Tamén participou na concentración xentes de Ecoloxistas en Acción Galiza “Atlántica e Verde”, que enviaba un informe realizada cos datos da Xunta, que demostra o “fracaso das políticas cinexéticas do xabaril”. “Cada ano aumenta o número de mortes e non se soluciona o asunto”, sinala Nery Díaz, dando conta de que no “2021/22 matáronse 18.397 xabariles, e na 2022/23 estímase que se sobrepasaron os 19.000. A presión cinexética sobre o xabaril é enorme e non da resultados. Parece que canto máis se caza maiores son os problemas debidos a grupos desestruturados, cambios de hábitos e a variacións no apareamento”.
“Máis animais abatidos significa que se cazan mais, non necesariamente un aumento de individuos, como recoñecen algúns cazadores”. E lamentan que “non hai censos obxectivos e independentes das asociacións de cazadores, non hai plan de xestión da especie onde se fixen cupos máximos de capturas segundo idade, sexo, matriarcas”.
