InicioA CORUÑAO Día do Dano Cerebral Adquirido tamén se convirte en pugna entre...

O Día do Dano Cerebral Adquirido tamén se convirte en pugna entre Concello e Xunta

Publicada o

Por Ubaldo Cerqueiro

Acollía hoxe o Pazo de Maria Pita un acto do organizado pola asociación Adaceco co gallo do Día do Dano Cerebral Adquirido. Un emotivo evento que serviu para visibilizar esta pouco coñecida enfermidade e o traballo desta entidade. Unha entidade que leva dúas décadas de existencia traballando para mellorar a calidade de vida dos seus usuarios e usuarias e das súas familias; así como por facer que a discapacidade “non supoña un límite para as persoas”.

No acto, coordinado polo presidente da entidade, Juan Luis Delgado, serviu para ler un manifesto baixo o lema ‘El valor de lo que no se ve’, co que a Federación Española de Dano Cerebral (FEDACE) reclama unha maior visibilidade das persoas con dano cerebral adquirido para a súa completa inclusión. O manifesto sinala tamén diferentes demandas como o impulso dunha Estratexia Nacional de Atención ao Dano Cerebral Adquirido, a elaboración dun censo completo de persoas con Dano Cerebral así como a creación da categoría diagnóstica, aplicable no momento da alta hospitalaria.

Pero a cita tamen serviu para volver amosar o enfrontamento constante que se vive entre Xunta e Concello. O goberno municipal socialista xa prepara o terreo na Xunta de Goberno celebrada na previa da efeméride, aprobando o estudo de detalle que permitiría construír un centro de día para Adaceco no barrio de Eirís, nun terreo municipal que lle foi cedido á entidade xa en 2019.

Así, a rexedora aproveitou o discurso para urxir á Xunta o financiamento para a construción do devandito centro. “Somos conscientes de que precisades financiamento e neste día de reivindicacións quero esixirlle á Xunta de Galicia que se implique no financiamento deste centro tan necesario para a cidade da Coruña e toda a súa área” concluíu Inés Rey.

ÚLTIMAS

Debe condicionar o pago da débeda do porto exterior a trascendental reordenación da fachada marítima?

Pouco público este pasado mércores no Forum para a interesantísima Palestra sobre o trascendental...

Un ciclo de cine, un mural e unha exposición en Oleiros contra o xenocidio do pobo palestino

Segue a ser o Concello de Oleiros unha das entidades públicas de todo o...

Máis de 100 filmes independentes de 17 países forman o programa do Festival Intersección

O festival Internacional Intersección da Coruña presentou hoxe a programación completa da súa oitava...

Teset Capital adquire a planta de valorización de residuos de Sologas na Coruña

Teset Capital, xestora de fondos independente especializada en investimentos en infraestruturas do mid-market europeo,...

DEIXAR UN COMENTARIO

Please enter your comment!
Please enter your name here