Permitiu o carrusel de borrascas celebrar a homenaxe que o Concello de Coruña quixo render a Luísa Villalta neste Día de Defuntos, no marco da a tradicional ofrenda floral de Todos os Santos no cemiterio de Santo Amaro, e coincindo co 20 aniversario do seu pasamento
A expedición realizou a primeira parada diante da Cruz dos Esquecidos onde a coral Follas Novas interpretou dous temas. A rexexora Inés Rey, acompañada por María Gómez e Susana Villalta, nai e irmá da poeta, reivindicou o coruñesismo “libre e inconformista” da figura escollida pola Real Academia Galega para a conmemoración das Letras Galegas 2024. “Os seus versos expresaron con fonda paixón o seu amor á cidade mais tamén un ansia de rebeldía irrenunciable” explicou.“
A xornada, que serviu para lembrar ademais aos pasaxeiros do voo 118 de Aviaco, con motivo do 50 aniversario da traxedia aérea de Montrove.
“Desde hai case dez anos, grazas á iniciativa das familias, as vítimas son recordadas cun monumento neste cemiterio de San Amaro e hoxe a cidade volve lembralos 50 anos despois da gran traxedia” sinalou a alcaldesa, quen dispuxo unha coroa de loureiro sobre o monumento.
O acto concluíu coa homenaxe aos Mártires pola Liberdade, en recordo a todas as vítimas do franquismo na Coruña.
Máis novas
Luisa Villalta será a homenaxeada o Día dás Letras Galegas 2024
Coñecendo o Cemiterio de Santo Amaro coa Asociación Cultural Alexandre Bóveda
