Foi en marzo cando a Axencia Española de Meteoroloxía (AEMET) e o Concello da Coruña asinaban un acordo para derrubar os muros do antigo Observatorio Meteorolóxico e abrir unha zona verde no corazón da Agra do Orzán. Unha acción que paliaría, só en parte, as demandas da veciñanza arredor do chamado Parque da Agra.
Un acordo cunha duración de catro anos en virtude do cal o Concello “asumiría tanto o derrubo dos muros como o acondicionamento do espazo e a construción dun valo interior para delimitar o espazo da delegación da AEMET”.
Pero é que a promesa xa foi feita en 2020, sen existir a día de hoxe avances.
Por iso, o BNG vén de recoller as queixas veciñais e trasladarllas ao goberno local através dunha moción que defenderá no Pleno do vindeiro xoves.
Lembran que para abrir o Xardín do Observatorio é preciso derrubar primeiro os muros da rúa de Gregorio Fernández e da Canceliña, ben como acondicionar o espazo e construír un valo interior para delimitar a zona verde e o ámbito que ocuparía a delegación da AEMET.
“E cando se faga non será sen tempo, porque o Xardín leva fechado tres anos e porque o Pleno da Corporación xa aprobou en xaneiro de 2023”.
Máis novas
Os antigos terreos da AEMET na Coruña transformaranse nun parque público
