Tiveron que pasar 6 meses de mobilizacións durante o curso pasado, e un mes neste, para que se normalice a situación no Conservatorio do Burgo. O Concello de Culleredo explicaba o luns o proceso de reposición do profesorado que faltaba, e hoxe é a ANPA O Burgo a que recoñece que xa están cubertas todas as prazas pendentes de substituir.
”Dende a Anpa O Burgo celebramos que por fin o centro funcione con normalidade, retomando o alumnado a súa actividade lectiva con normalidade. Valoramos moi positivamente que dende o centro se esté ofertando ás familias a posibilidade de recuperación das horas lectivas perdidas ata o momento”, sinalan, lembrando a “reflexión profunda” e común realizada na reunión do pasado venres 10 coa Concellería, na que se “sentaron as bases para unha coordinación eficaz que redunde nunha educación artística de calidade”.
A maiores a ANPA realizou diversas propostas e acordouse manter unha comunicación fluída entre Concello e familias.
Máis novas
As familias do Conservatorio de Culleredo volveron á rúa para esixir máis profesorado
As familias do Conservatorio de Culleredo volveron á rúa para esixir máis profesorado
