InicioCULLEREDOA dragaxe da ría do Burgo rematará en abril de 2024

A dragaxe da ría do Burgo rematará en abril de 2024

Publicada o

Por editor

Nova visita institucional ás obras de rexeneradión da ría do Bugo. Esta mañá a subdelegada do goberno María Rivas acodúa xunto co alcalde de Culleredo José Ramón Rioboo, e co xefe da Demarcación de Costas de Galicia en funcións, Carlos Gil, para ver o avance da dragaxe.

O Ministerio para a Transición Ecolóxica tivo que ampliar o prazo de execución das obras ata o mes de abril, por mor da valoración dos técnicos. “Esta ampliación permite concluír a obra con mellores garantías técnicas e, ademais, atende á petición do colectivo de mariscadores da ría que solicitaron adiar ata a primavera a semente de bivalvos para garantir que esta operación teña máis éxito”, explicaron.

Mariscadoras

Un dos asuntos máis preocupantes é a situación do sector marisqueiro. A subdelegada confirmou que os mariscadores seguirán percibindo ata a fin da obra as indemnizacións pola interrupción da súa actividade, de acordo co recollido no decreto
que regulaba estes pagos, sinalando que dos 37,5 millóns de todo o proxecto, 3,6 millóns destínanse ao pago de indemnizacións.

Ademais, o Ministerio tamén acordou, a pedimento do sector, a reintrodución na ría de catro variedades de bivalvos: a ameixa babosa, a ameixa fina, a ameixa xapónica e o berberecho.

A obra

Unha vez rematada a dragaxe dos materiais contaminantes, así como a recubrición total dos recintos, agora mesmo xa están traballar na urbanización dos recintos sur de Culleredo e Oleiros e coas infraestruturas que permitirán a conexión cos paseos da ría.

Tamén se está a levar a cabo a reposición dos fondos con achega de material “que permitirá unha mellor rexeneración dos bancos marisqueiros”, detallou. “E facémolo así porque este proxecto é un proxecto integral e isto quere dicir que é un proxecto que descontamina a ría e preserva a súa riqueza natural e a súa actividade económica, transformando o bordo litoral dos concellos e creando novos espazos verdes, facéndoos máis accesibles para a cidadanía”, sinalou Rivas.

Máis novas da ría do Burgo

Auxilian a unha escavadora na ría do Burgo tras quedar atrapada durante os traballos de saneamento

Mar velará por unha sementeira na ría do Burgo que cumpra as demandas da confraría e por manter as axudas

Así era a ría do Burgo hai máis de 2.000 anos nunha noite con superlúa de sangue

 

ÚLTIMAS

A veciñanza pide rescatar a liña de bus 10 para o barrio da Sagrada Familia

A política urbanística municipal leva anos apostando por unha humanización das nosas rúas, pola...

O PP pide á alcaldesa da Coruña que cese ao edil de Economía

O grupo municipal do PP no Concello da Coruña instou á alcaldesa, a socialista...

A instalación da pasarela de Solymar provocará afectacións ao tráfico

Recta final para as eternas obras do cruzamento de Solymar, en Perillo, Oleiros. Actualmente,...

Alcaldes socialistas acusan á Xunta de “afogar” aos municipios: “A factura das competencias impropias ascende a 600 millóns ao ano”

O consello de alcaldes socialistas da provincia da Coruña acusou á Xunta de "afogar" ás economías...

DEIXAR UN COMENTARIO

Please enter your comment!
Please enter your name here