O Grupo Municipal do PP da Coruña vén de presentar unha serie de alegacións aos orzamentos Municipais de 2024 e ás ordenanzas municipais aprobadas este mes. O grupo, que xa denunciara o baixo nivel de execución dos presupostos deste 2023, propón “cancelar todas as subas de impostos”.
“Propoñemos cancelar todas as subas de impostos. Ademais, no Ibi pedimos devolver os tipos impositivos aos que estaban en 2011. A baixada suporía gañar entre 6/7 millóns de euros menos, asequibles xa que en 2022 gañaron 12 millóns máis do que gastaron”, asegura Miguel Lorenzo.
“O goberno socialista non contempla medidas nin para as cousas máis básicas, como a inseguridade, a sucidade, os ascensores, o aparcamento, etc. Por iso propoñemos 340 medidas relacionadas con todas as áreas de goberno”.
Aproveitou para volver a criticar a baixa execución dos investimentos: “Os barrios son os grandes abandonados. 180 millóns para investimentos non executados no anterior mandato e 50 máis este ano. A falta de mantemento é un berro e hai barrios polos que non se recolle nin un só investimento. Propoñemos 293 medidas para todos os barrios”.
Máis novas
Critican o baixo nivel de execución dos Orzamentos municipais
